e Taakstraf OM (‘TOM’)

TOM

Klik hier voor Nederlands

E TOM (taakstraf OM) ta un castigo di tarea cu fiscal por duna un sospechoso durante un asina yama ‘TOM zitting’. Si e sospechoso bay de acuerdo cu e castigo propone y cumpli cu esaki debidamente, anto fiscal lo no hiba e caso dilanti huez. E TOM zitting no ta un tratamento manera dilanti huez, pero mas un conversacion oficial entre fiscal y e sospechoso. E sospechoso por wordo asisti pa su mayornan of su abogado. E TOM zitting ta bay den presencia di Reclassering. E persona cu a meld su mes como ‘benadeelde partij’ (esta, e victima of esun cu a keda perhudica) tambe lo wordo invita.

Di importancia ta cu e sospechoso a admiti cu el a haci loke e ta wordo sospecha di dje. Sin confesion, fiscal lo no propone nada na dje. Despues cu tur esnan envolvi a haya chens pa bisa algo y e sospechoso bay de acuerdo, fiscal, e sospechoso y Reclassering lo firma e proposicion. Un proposicion por consisti di, por ehempel, ‘dienstverlening’ (servicio na comunidad), un boet of un prohibicion pa yega den cercania di e victima (‘straatverbod’). Tambe fiscal por exigi pa e sospechoso accepta tratamento psicologico of psiquiatrico of cu e ta sigui un curso. Si e sospechoso no tene su mes na e condicionnan, e lo wordo cita pa Ministerio Publico pa presenta dilanti huez.

Hechonan castigable cu ta bin na remarke pa TOM ta, por ehempel, destruccion, cendemento di candela cu poco daño, shoplifting of maltrato cu lesion leve. Un condicion importante ta cu e sospechoso no a yega di wordo condena pa un hecho castigable.

Mas informacion tocante e ‘Taakstraf OM’