Curatela di adictonan

notification CdM

Ta posibfoyeto curatelale na Aruba pa pone un hende cu ta gravemente adicto na droga of alcohol, y pa motibo di e molester cu e ta causa debi na su adiccion, bao curatela. Esey kier meen cu huez ta dicidi cu e persona no por percura pa su mes interesnan mas. Huez ta apunta un ‘curator’. Esey hopi biaha ta un miembro di famia of un hende cu ta traha den cuido di adiccion, cu mag di tuma decisionnan den nomber di e persona adicto tocante por ehempel, su gasto- y entradanan (primi aki pa informacion tocante e responsabilidadnan di un curator). Den algun caso huez por hasta duna ordo pa un adicto cu a wordo poni bao curatela, wordo interna obligatoriamente den Centro di Motivacion, un centro di rehabilitacion. Huez ta tuma e decisionnan aki riba peticion di famia, casa, of otro hende den bida di e persona adicto. Ministerio Publico tambe por pidi huez pa impone e medida aki. E fundacion pa cuido di adiccion ‘Fundacion pa Maneho di Adiccion Aruba‘ (‘FMAA’). Nan ta asisti y informa Ministerio Publico den esaki. FMAA ta traha estrechamente cu adictonan y nan ambiente pa bringa e problematica di adiccion na Aruba. Pa mas informacion tocante pone un persona bao curatela, interne obligatoriamente den un centro di rehabilitacion y otro solucionnan pa adictonan, bo por wak e foyeto aki of download un ehempel di un peticion of tuma contacto cu FMAA. Primi aki pa un interview cu e Fiscal Mayor tocante e procedura di curatela y admision obligatorio of aki pa informacion tocante Centro di Motivacion. Contact FMAA:

Fundacion pa Maneho di Addicion di Aruba
Caya Appeldam 4 tel. 582-0903 / 582-0305
Kamay 33 tel. 586-2511 / 583-3444
Lago Heightsstraat 30 tel. 584-4742
Macapruimstraat 1 tel. 582-2221 / 582-4424 fax 588-2048
Meiveld 1g e-mail 5835428 F.M.A.A.ruba@hotmail.com